Language 

Updates  | Medjugorje[EN]  | Budskapene  | Articles[EN]  | Videos[EN]  | Pictures[EN] | Site Map  | About[EN]  | Guestbook

www.medjugorje.ws » PDA version » Medjugorje Budskapene » Weekly Medjugorje Messages

Weekly Medjugorje Messages of year 1985

Januar   Februar   Mars   April   Mai   Juni  
Juli   August   September   Oktober   November   Desember  
 

Budskapet, 3.januar 1985

"Kjære barn! Desse dagane har Herren skjenka dykk stor nåde. Lat denne veka bli ei veke med takkseiing for all nåde Gud har gjeve dykk. Takk for at de har svara på mitt kall. "
 

Budskapet, 10.januar 1985

"Kjære barn! I dag vil eg takke dykk for alle offera dykkar, men særskilt takk til dei som har vorte kjære for hjartet mitt og som gladeleg kjem hit. Det er mange soknebarn som ikkje lyttar til bodskapane, men på grunn av dei som på ein spesiell måte er nære hjartet mitt - på grunn av dei gjev eg bodskapar til soknet. Og eg vil halde fram med å koma med dei fordi eg elskar dykk og eg ynskjer at de skal spreie bodskapane mine med hjarto dykkar. Takk for at de har svara på mitt kall. "
 

Budskapet, 14.januar 1985

Måndag, bodskap gjennom Vicka:
"Mine kjære barn! Satan er så sterk. Med all si kraft ynskjer han å forstyrre planane som eg har begynt med dykk. De må halde fram med å be. Be berre og stopp ikkje for eit einaste minutt. Eg vil be til Sonen min om at alle planane eg har sett i gang blir fullførde. Vær tolmodige og uthaldande i bønene dykkar og lat ikkje Satan ta motet frå dykk. Han arbeider hardt i verda. Ver på vakt! "
 

Budskapet, 17.januar 1985

"Kjære barn! Desse dagane arbeider Satan fordekt imot soknet, og de, kjære barn, har falle i søvn i bøn og berre nokre går til messe. Stå imot dagane med freisting! Takk for at de har svara på mitt kall. "
 

Budskapet, 24.januar 1985

"Kjære barn! Desse dagane har de fått erfare Guds godleik gjennom fornyingane som har skjedd i dette soknet. Satan vil arbeide endå meir intenst for å ta bort gleda frå kvar og ein av dykk. Gjennom bøn kan de avvepne han fullstendig og sikre gleda dykkar. Takk for at de har svara på mitt kall. "
 

Budskapet, 31.januar 1985

"Kjære barn! I dag ynskjer eg å be dykk om å opne hjarto dykkar for Gud, slik som vårblomane lengtar etter sola. Eg er mor dykkar og eg ynskjer alltid at de skal koma nærare Faderen og at Han alltid vil gje rikelege gåver til hjarto dykkar. Takk for at de har svara på mitt kall. "
 

Budskapet, 7.februar 1985

"Kjære barn! Desse dagane gjev Satan seg til kjenne på ein spesiell måte her i soknet. Be, kjære barn, at Guds plan blir sett ut i livet og at kvart initiativ frå Satan fører til ei lovprising av Gud. Eg har vorte hjå dykk så lenge for å hjelpe dykk gjennom prøvingane dykkar. Takk for at de har svara på mitt kall. "
 

Budskapet, 14.februar 1985

"Kjære barn! I dag er dagen då eg gjev dykk ein bodskap til soknet, men heile soknet tek ikkje imot bodskapane og etterlever dei ikkje. Eg er skuffa og eg vil at de, kjære barn, skal lytte til meg og etterleva bodskapane mine. Alle familiane må be familiebøner og lesa i Bibelen! Takk for at de har svara på mitt kall. "
 

Budskapet, 21.februar 1985

"Kjære barn! Frå dag til dag har eg invitert dykk til fornying og bøn i soknet, men de tek ikkje imot det. I dag ber eg dykk for siste gong! No er det fastetid, og som sokn kan de i løpet av fastetida vende dykk til min bodskap ut av kjærleik. Om de ikkje gjer det, ynskjer eg ikkje å halde fram med å gje bodskapar. Gud tillet meg det. Takk for at de har svara på mitt kall. "
 

Budskapet, 28.februar 1985

"Kjære barn! I dag ber eg dykk om å leva ordet denne veka: "Eg elskar Gud!" Kjære barn, gjennom kjærleik vil de oppnå alt - til og med det de trur er umuleg. Gud vil at dette soknet skal tilhøyre Han heilt. Og det ynskjer eg òg. Takk for at de har svara på mitt kall. "
 

Budskapet, 7.mars 1985

"Kjære barn! I dag ber eg dykk om å fornye bøna i familiane dykkar. Kjære barn, oppmuntre dei heilt unge til å be, og barna til å gå til Den Heilage Messe. Takk for at de har svara på mitt kall. "
 

Budskapet, 14.mars 1985

"Kjære barn! De har alle opplevt lys og mørke i liva dykkar. Gud gjev alle evna til å skilja rett frå gale. Eg kallar dykk til lyset som de burde ta med til alle folk som er i mørkret. Folk som er i mørkret kjem dagleg inn i heimane dykkar. Kjære barn, gje dei lyset! Takk for at de har svara på mitt kall. "
 

Budskapet, 21.mars 1985

"Kjære barn! Eg ynskjer å halde fram med å gje bodskapar, og difor kallar eg dykk i dag til å etterleva og godta bodskapane mine! Kjære barn, eg elskar dykk og eg har på ein særskild måte valt ut dette soknet. Dette soknet er meir kjært for meg enn dei andre eg gladeleg har vore i når den Allmektige sende meg. Difor ber eg dykk - aksepter meg, kjære barn, slik at det kan gå bra med dykk. Lytt til bodskapane mine! Takk for at de har svara på mitt kall. "
 

Budskapet, 24.mars 1985 - Sundag

"I dag ynskjer eg å kalle dykk alle til skriftemål, sjølv om de har skrifta for nokre få dagar sidan. Eg ynskjer at de alle får oppleva festdagen min inni dykk. Men de kan ikkje oppleva det utan at de overgjev dykk fullstendig til Gud. Difor inviterer eg dykk alle til forsoning med Gud. "
 

Budskapet, 28.mars 1985

"Kjære barn! I dag ynskjer eg å kalle dykk til bøn, bøn, bøn! I bøn vil de merke den største gleda og finne vegen ut av alle situasjonar som ikkje har nokon utgang. Takk for at de har teke til å be. Kvar einskild er kjær for hjartet mitt, og eg takkar alle som har gått inn for bøn i familiane sine. Takk for at de har svara på mitt kall. "
 

Budskapet, 4.april 1985 - Zelený čtvrtek

"Kjære barn! Eg takkar dykk for at de har teke til å tenkje meir på Guds herlegdom i hjarto dykkar. I dag er dagen då eg ville slutte å gje bodskapane fordi nokre ikkje aksepterte meg. Soknet har vorte endra og eg ynskjer å halde fram med å gje dykk bodskapar på ein slik måte som det aldri har vorte gjort i historia - frå starten av verda. Takk for at de har svara på mitt kall. "
 

Budskapet, 5.april 1985 - Langfredag, bodskap gjeven gjennom Ivanka

"De soknebarn har ein stor og tung kross, men vær ikkje redde for å bera han. Sonen min er med dykk og Han vil hjelpe dykk. "
 

Budskapet, 11.april 1985

"Kjære barn! I dag ynskjer eg å seia til alle i soknet at de må be på ein særskild måte om visdom frå Den Heilage Ande. Frå i dag vil Gud prøve soknet på ein spesiell måte slik at Han kan styrkje det i trua. Takk for at de har svara på mitt kall. "
 

Budskapet, 18.april 1985

"Kjære barn! I dag takkar eg dykk for kvar og ein som har opna hjarto sine. Glede innhentar meg for kvart hjarte som blir opna for Gud, særskilt frå soknet. Fryd dykk med meg! Be alle bønene for opning av syndefulle hjarte. Eg ynskjer det. Gud ynskjer det gjennom meg. Takk for at de har svara på mitt kall. "
 

Budskapet, 25.april 1985

"Kjære barn! I dag vil eg be dykk om å ta til å arbeide i hjarto dykkar, på same måten som de arbeider ute på jordene. Arbeid og endre hjarto dykkar slik at ein ny ande frå Gud kan få sin plass i hjarto dykkar. Takk for at de har svara på mitt kall. "
 

Budskapet, 2.mai 1985

"Kjære barn! I dag kallar eg dykk til å be med hjartet, og ikkje berre av vane. Nokre kjem, men ynskjer ikkje å koma framover i bøn. Difor vil eg åtvare dykk som ei mor: Be om at bøn alltid fyller hjarto dykkar. Takk for at de har svara på mitt kall. "
 

Budskapet, 9.mai 1985

"Kjære barn! Nei, de veit ikkje kor stor nåde Gud gjev dykk. De ynskjer ikkje å koma lenger framover i desse dagane når Den Heilage Ande verkar på ein særleg måte. Hjarto dykkar er vende mot jordiske ting og dei okkuperer dykk. Vend hjarto dykkar mot bøn og be om at Den Heilage Ande må bli tømd ut over dykk. Takk for at de har svara på mitt kall. "
 

Budskapet, 16.mai 1985

"Kjære barn! Eg kallar dykk til meir aktiv bøn og deltaking under Den Heilage Messe. Eg ynskjer de skal oppleve Gud i messene dykkar. Eg ynskjer særskilt å seia til unge menneske: Vær opne for Den Heilage Ande fordi Gud ynskjer å dra dykk til seg i desse dagane då Satan er aktiv. Takk for at de har svara på mitt kall. "
 

Budskapet, 23.mai 1985

"Kjære barn! Desse dagane kallar eg dykk særskilt til å opne hjarto dykkar for Den Heilage Ande. Særskilt i desse dagane arbeider Den Heilage Ande gjennom dykk. Opne hjarto dykkar og overgjev liva dykkar til Jesus, slik at Han arbeider gjennom hjarto dykkar og styrkjer dykk i trua. Takk for at de har svara på mitt kall. "
 

Budskapet, 30.mai 1985

"Kjære barn! Eg kallar dykk på nytt til bøn med hjartet. Kjære barn, lat bøn på ein særskild måte bli kvardagsmat for dykk når arbeidet dykkar på markene slit dykk så ut at de ikkje kan be med hjartet. Be, og så skal de til og med sigre over alt slit. Bøn vil bli dykkar glede og kvile. Takk for at de har svara på mitt kall. "
 

Budskapet, 6.juni 1985

"Kjære barn! I dagane som kjem vil det koma folk frå alle nasjonar til soknet. Og no kallar eg dykk til å elske: Elsk fyrst av alt medlemme i dykkar eigne husstandar, og så vil de bli i stand til å akseptere og elske alle som kjem. Takk for at de har svara på mitt kall. "
 

Budskapet, 13.juni 1985

"Kjære barn! Fram mot årsdagen oppmodar eg dykk, soknet, til å be meir og å lata bønene dykkar vera eit teikn på overgjeving til Gud. Kjære barn, eg veit at de alle er trøytte, men de veit ikkje korleis de skal overgje dykk til meg. Gje dykk heilt og fullt over til meg gjennom desse dagane! Takk for at de har svara på mitt kall. "
 

Budskapet, 20.juni 1985

"Kjære barn! Til denne festdagen (årsmarkeringa) ynskjer eg å be dykk om å opne hjarto dykkar for han som er Herre for alle hjarto. Gje meg alle kjenslene dykkar og alle dykkar problem! Eg ynskjer å trøyste dykk i alle dykkar prøvingar. Eg ynskjer å fylle dykk med fred, glede og kjærleik frå Gud. Takk for at de har svara på mitt kall. "
 

Budskapet, 25.juni 1985 - Tysdag

"Eg inviterer dykk til å oppmode alle om å be rosenkransen. Med rosenkransen vil de halde ut all motgang som Satan prøver å tilføre Den katolske kyrkja. Alle de prestar, be rosenkransen! Vie tida dykkar til rosenkransen! "
Denne bodskapen er svaret som Marija Pavlovic fekk på følgjande spørsmål: Jomfru Maria, kva ynskjer du å seia til prestar?
 

Budskapet, 28.juni 1985 - Fredag

"Kjære barn! Gjennom bodskapen eg gjev dykk i dag ynskjer eg å kalle dykk til å vera audmjuke. Desse dagane har de følt stor glede på grunn av alle menneska som har kome hit, og som de med kjærleik har kunna fortelja om opplevingane dykkar. No inviterer eg dykk til å halde fram med å vera audmjuke og tala med eit ope hjarte til alle som kjem. Takk for at de har svara på mitt kall. "
 

Budskapet, 4.juli 1985

"Kjære barn! Eg takkar dykk for kvart offer de har påteke dykk. Og no bønnfell eg dykk om å gje alle offer med kjærleik. Eg vil at de, dei hjelpelause, skal ta til å hjelpe med tillit, så vil Gud halde fram med å gje dykk i tillit. Takk for at de har svara på mitt kall. "
 

Budskapet, 11.juli 1985

"Kjære barn! Eg elskar soknet og eg vernar det med kappa mi mot alt som er Satans verk. Be om at Satan trekkjer seg ut av soknet og frå kvart individ som kjem inn i soknet. På den måten skal de bli i stand til å høyre alle påkallingane frå Gud, og til å svara dei med liva dykkar. Takk for at de har svara på mitt kall. "
 

Budskapet, 18.juli 1985

"Kjære barn! I dag ber eg dykk om å plassere fleire velsigna objekt i heimane dykkar og at alle har noko velsigna på seg. Velsign alle ting og så vil Satan gå mindre til åtak på dykk, fordi de vil ha våpen mot han. Takk for at de har svara på mitt kall. "
 

Budskapet, 25.juli 1985

"Kjære barn! Eg ynskjer å leie dykk, men de vil ikkje høyre på bodskapane mine. I dag kallar eg dykk til å lytte til bodskapane mine, og så vil de bli i stand til å etterleva alt det Gud ber meg overføre til dykk. Opne dykk sjølve for Gud så vil Gud arbeide gjennom dykk og halde fram med å gje dykk alt de treng. Takk for at de har svara på mitt kall. "
 

Budskapet, 1.august 1985

"Kjære barn! Eg ynskjer å fortelja dykk at eg har valt dette soknet og at eg vernar det med hendene mine som om det var ein liten blome som ikkje ynskjer å døy. Eg kallar dykk til overgjeving til meg, slik at eg kan halde fram med å presentere dykk for Gud, friske og utan synd. Satan har teke delar av planen, og ynskjer å overta den. Be om han ikkje må lukkast fordi eg ynskjer å ha dykk for meg sjølv slik at eg kan halde fram med å gje dykk til Gud. Takk for at de har svara på mitt kall. "
 

Budskapet, 8.august 1985

"Kjære barn! Særleg no i dag inviterer eg dykk til å ta opp kampen mot Satan med bøn. Satan vil kjempe endå meir no når de veit at han er i arbeid. Kjære barn, rust dykk for kamp og nedkjemp han med rosenkransen i hendene. Takk for at de har svara på mitt kall. "
 

Budskapet, 15.august 1985

"Kjære barn! I dag velsignar eg dykk og eg ynskjer å fortelja dykk at eg elskar dykk, og at eg innstendig bed dykk om å etterleva bodskapane mine. I dag velsignar eg dykk med den høgtidelege velsigninga som Den Allmektige gev meg. Takk for at de har svara på mitt kall. "
 

Budskapet, 22.august 1985

"Kjære barn! I dag vil eg fortelja dykk at Gud vil sende dykk prøvingar, som de kan overvinne gjennom bøn. Gud prøver dykk gjennom det daglege arbeidet. Be no om fredfullt å stå imot alle prøvingar. Gjennom alle prøvingane frå Gud, vær opne for Gud og nærm dykk Han med kjærleik. Takk for at de har svara på mitt kall. "
 

Budskapet, 29.august 1985

"Kjære barn! Eg kallar dykk til bøn, særskilt fordi Satan ynskjer å misbruke avkastninga av vinåkrane dykkar. Be om at Satan ikkje lukkast i planen sin. Takk for at de har svara på mitt kall. "
 

Budskapet, 5.september 1985

"Kjære barn! I dag takkar eg dykk for alle bønene. Hald fram med å be endå meir slik at Satan held seg langt unna denne staden. Kjære barn, planen til Satan har mislukkast. Be om fullføring av det Gud planlegg i dette soknet. Eg takkar særskilt dei unge for offergåvene dei har gjeve. Takk for at de har svara på mitt kall. "
 

Budskapet, 12.september 1985

"Kjære barn! Eg ynskjer å fortelja dykk at krossen burde vera sentral desse dagane. Be særleg framføre krossen, som det kjem store nådegåver frå. Innvie dykk no særskilt til krossen i heimane dykkar. Lov meg at de korkje vil krenke Jesus eller misbruke krossen. Takk for at de har svara på mitt kall. "
 

Budskapet, 19.september 1985

Ingen bodskap.
 

Budskapet, 20.september 1985 - Fredag

"Kjære barn! I dag inviterer eg dykk om audmjukt til å etterleva alle bodskapane eg gjev dykk. Bli ikkje arrogante når de etterlever bodskapane ved å seia "eg etterlever bodskapane". Om de ber bodskapane i hjarto dykkar og etterlever dei, vil alle føle det slik at det ikkje er bruk for ord, som berre tener dei som ikkje vil lytte. De, kjære barn, treng berre å leva og vitne med liva dykkar. Takk for at de har svara på mitt kall. "
 

Budskapet, 26.september 1985

"Kjære barn! Eg takkar dykk for alle bønene. Eg takkar for alle offera dykkar. Eg ynskjer å be dykk, kjære barn, om å fornye bodskapane som eg gjev dykk. Etterlev særleg fasta, fordi de gjennom faste vil gje meg gleda med å sjå at heile planen, som Gud har planlagt her i Medjugorje, blir fullførd. Takk for at de har svara på mitt kall. "
 

Budskapet, 3.oktober 1985

"Kjære barn! Eg ynskjer å fortelja dykk at de må takke Gud for all nåde som Gud har gjeve dykk. Takk og lovpris Herren for alle fruktene! Kjære barn, lær å takke for små ting og så vil de også bli i stand til å takke for dei store tinga. Takk for at de har svara på mitt kall. "
 

Budskapet, 10.oktober 1985

"Kjære barn! Også i dag ynskjer eg å kalle dykk til å etterleva bodskapane i soknet. Eg ynskjer særskilt å kalle på ungdomen i soknet, som er kjære for meg. Kjære barn, om de lever etter bodskapane, lever de som heilage frø. Som Mor dykkar ynskjer eg å kalle dykk alle til det heilage slik at de kan gje det til andre. De er ein spegel mot andre! Takk for at de har svara på mitt kall. "
 

Budskapet, 17.oktober 1985

"Kjære barn! Alt har si eiga tid. I dag kallar eg dykk til å starte arbeidet med dykkar eigne hjarto. No når alt arbeidet på jordene er over finn de tid til å vaske til og med dei mest forsømte stadane, men hjarto dykkar let de vera. Arbeid meir og reingjer med kjærleik alle delane av hjarto dykkar. Takk for at de har svara på mitt kall. "
 

Budskapet, 24.oktober 1985

"Kjære barn! Frå dag til dag ynskjer eg å kle dykk med det heilage, det gode, det lydige og med Guds kjærleik, slik at de for kvar dag kan bli vakrare og meir klargjorde for Herren. Kjære barn, høyr etter og lev bodskapane mine. Eg ynskjer å leie dykk. Takk for at de har svara på mitt kall. "
 

Budskapet, 31.oktober 1985

"Kjære barn! I dag ynskjer eg å kalle dykk til arbeid i kyrkja. Eg elskar alle like mykje og eg ynskjer at kvar og ein skal arbeida så mykje som råd. Kjære barn, eg veit at de kan, men de gjer det ikkje fordi de føler dykk småe og audmjuke på dette området. De treng å vera modige og gjera kyrkja og Jesus rikare med små blomster, slik at alle kan bli nøgde. Takk for at de har svara på mitt kall. "
 

Budskapet, 7.november 1985

"Kjære barn! Eg kallar dykk til å elske naboen dykkar og framfor alt om å elske dei det kjem vondskap frå. På den måten vil de med kjærleik bli i stand til å skjelne mellom formåla til hjartet. Be og elsk, kjære barn! Med kjærleik er de i stand til å gjera det de til og med trur er umuleg. Takk for at de har svara på mitt kall. "
 

Budskapet, 14.november 1985

"Kjære barn! Eg, Mor dykkar, elskar dykk og ynskjer å oppmode dykk til bøn. Eg er utrøytteleg, kjære barn, og eg kallar på dykk til og med når de er langt borte frå hjartet mitt. Eg er ei mor, og sjølv om eg føler smerte for kvar og ein som kjem på avvegar, tilgjev eg lett og frydar meg over kvart barn som kjem attende til meg. Takk for at de har svara på mitt kall. "
 

Budskapet, 21.november 1985

"Kjære barn! Eg vil fortelja dykk at denne tida er særskilt for dykk frå soknet. Når det er sumar, seier de at de er veldig opptekne. No når de ikkje har arbeid på jordene, arbeid med dykk sjølve! Kom til messe, fordi dette er sesongen som er gjeven til dykk. Kjære barn, mange kjem regelmessig uansett vêr, fordi dei elskar meg og ynskjer å syne kjærleiken sin på ein spesiell måte. Eg ber dykk om å syne meg kjærleiken dykkar ved å koma til messe, så vil Herren løne dykk rikeleg. Takk for at de har svara på mitt kall. "
 

Budskapet, 28.november 1985

"Kjære barn! Eg vil takke alle for alt de har gjort for meg, særleg ungdomen. Eg bønnfell dykk, kjære barn, om alltid å vera medvetne når de ber. Gjennom bøn vil de kjenne storleiken til Gud. Takk for at de har svara på mitt kall. "
 

Budskapet, 5.desember 1985

"Kjære barn! Eg kallar dykk til å førebu dykk til jul gjennom bot, bøn og friviljugt arbeid. Kjære barn, vær ikkje opptekne av materielle ting, for då blir de ikkje i stand til å oppleve jula. Takk for at de har svara på mitt kall. "
 

Budskapet, 12.desember 1985

"Kjære barn! Min invitasjon for jula er at me saman lovprisar Jesus. Eg gjev han til dykk på ein spesiell måte den dagen og eg inviterer dykk med meg til å prise Jesus ved Hans fødsel. Kjære barn, be meir og tenk meir på Jesus den dagen. Takk for at de har svara på mitt kall. "
 

Budskapet, 19.desember 1985

"Kjære barn! I dag ynskjer eg å invitere deg til å vera glad i naboen din. Om du elskar naboen din, vil du sanse Jesus meir, særleg fyrste juledag. Gud vil skjenke deg store gåver om du overgjev deg til Han. Særleg i jula vil eg gje mødre mi eiga moderlege velsigning, og Jesus vil velsigne dei andre med si velsigning. Takk for at de har svara på mitt kall. "
 

Budskapet, 26.desember 1985

"Kjære barn! Eg vil takke alle som har lytta til mine bodskapar og som fyrste juledag etterlevde det eg sa. No når de er rensa frå synd, ynskjer eg å leie dykk framover i kjærleik. Overgjev hjarto dykkar til meg! Takk for at de har svara på mitt kall. "
To compare Medjugorje messages with another language versions choose

 

PC version: This page | Medjugorje | Apparitions[EN]  | Budskapene  | Articles[EN]  | Pictures[EN]  | Medjugorje Videos[EN]